পুৰুষ কণ্ঠ – তুমি মোৰ প্রেৰণা তুমি মোৰ বাসনা
বননিত যিদৰে ফুলে হালে জালে ←২
চেনেহত মন দোলে
নাৰী কণ্ঠ – তুমি মোক নেচাবা লাগে লাজ অজানা
হৃদয়ত যিমানে আশা ভৰি পৰে ←২
দুচকুত লাজ লাগে
পুৰুষ কণ্ঠ – তুমি মোৰ প্রেৰণা....
-
পুৰুষ কণ্ঠ – তোমাৰে খোজটি ৰচকী পখিলী
মনটি কেনিনো উৰে
নাৰী কণ্ঠ – তোমাকে বিচাৰি পায় কিবা এটি
হৃদয় উলাহেৰে ভৰে
পুৰুষ কণ্ঠ – অ’.. তোমাৰে হাঁহিটি ফুলৰে পাপৰি
তুলনা কৰোঁ কিহেৰে
নাৰী কণ্ঠ – তোমাৰ মৰমে হৃদয় ফুলনি
ধুনীয়া কৰিব পাৰে
দুয়ো – নয়নত যিমানে সপোন ভৰি পৰে ←২
নাৰী কণ্ঠ – পৰাণত ফুল লাগে
পুৰুষ কণ্ঠ – তুমি মোৰ প্রেৰণা তুমি মোৰ বাসনা
বননিত যিদৰে ফুলে হালে জালে
বননিত যিদৰে ফুলে হালে জালে
চেনেহত মন দোলে
তুমি মোৰ প্রেৰণা....
-
পুৰুষ কণ্ঠ – তোমাৰে ছবিটি আঁকিব নোৱাৰি
হিয়াতে কিনো আছে
নাৰী কণ্ঠ – মনৰে দাপোণত নিজকে দেখিলে
কেনিও চাব নেলাগে
পুৰুষ কণ্ঠ – অ..’ তোমাৰে পৰশত ফুলবোৰ ফুলিলে
সুৱাসে উতলা কৰে
নাৰী কণ্ঠ – জীৱন এখনি ধুনীয়া ফুলনি
মনে মনে মিলি গ’লে
দুয়ো – পৰাণত যিমানে আপোন ভাব আহে←২
নাৰী কণ্ঠ – ভাবিলেই ভাল লাগে
পুৰুষ কণ্ঠ – তুমি মোৰ প্রেৰণা তুমি মোৰ বাসনা
বননিত যিদৰে ফুলে হালে জালে←২
চেনেহত মন দোলে
নাৰী কণ্ঠ – তুমি মোক নেচাবা লাগে লাজ অজানা
হৃদয়ত যিমানে আশা ভৰি পৰে←২
দুচকুত লাজ লাগে
পুৰুষ কণ্ঠ – তুমি মোৰ প্রেৰণা তুমি মোৰ বাসনা...←৩ ৷৷
-
[ভূপেন হাজৰিকাদেৱৰ গীত (দ্বৈত)]
[ইউনিক’ড ৰূপান্তৰ :- অনামিকা বৰা]
No comments:
Post a Comment