অ'............ !
অ'.........
অসমীৰে চোতালতে !
ৰ’দালিয়ে চেনেহতে
মৰমৰ ফাকু খেলে
ৰঙতে নাচে পখিলী
মাতে মোকে হাত বাউলি
মাতে মোক হাত বাউলি ।
নীলা নীলা পাহাৰতে !
ডালিমীয়ে কথা পাতে
জুৰিটিৰ কাষতে ৰৈ
হিয়াৰে বতৰা কৈ
মলয়াত উৰে চুলি
অ’ মলয়াত উৰে চুলি
মাতে মোকে হাত বাউলি
মাতে মোক হাত বাউলি ।
ভৈয়ামৰে পথাৰতে !
ৰোৱনী লখিমীহঁতে
উলাহত জুৰিলে গান
বনগীত সুৰীয়া তান
হাঁচটিৰ তামোল খুলি
অ’ হাঁচটিৰ তামোল খুলি
মাতে মোকে হাত বাউলি
মাতে মোক হাত বাউলি ।
চেনেহৰে অসমখনি !
কত ৰূপৰ জিলিঙনি
সপোনৰ সুঁৱদি মাত
হিয়া মোৰ কৰিলি শাঁত
কিনো ৰূপে ভুলালি
অ’ কিনো ৰূপে ভুলালি
মাতে মোকে হাত বাউলি
মাতে মোক হাত বাউলি ।
অসমীৰে চোতালতে !
ৰ’দালিয়ে চেনেহতে
মৰমৰ ফাকু খেলে
ৰঙতে নাচে পখিলী
মাতে মোকে হাত বাউলি
মাতে মোক হাত বাউলি ।৷
মহম্মদ ৰফিৰ কণ্ঠেৰে নিগৰিত গীত
No comments:
Post a Comment