Assamese Song: Keteki Nohou Moi
Album: Bikhekh Erati
Singer: Anima Chakravorty
Music Director: Upen Kakoti
Year: 1978 - 1979
কেতেকী নহওঁ মই মালতী নহওঁ মই নিশাৰে
তগৰ পাহি..
আমনি নকৰিবি
দুষ্ট ফাগুণ আহি.... !
দুষ্ট ফাগুণ আহি
এই ৰাতি মায়া ৰাতি
বিৰহেৰে ছাটিফুটি
লোৱাহি মৰম চুহি
দেহাটি উথলি পৰা
সপোন বুটলি ধৰা
মেলি দিছোঁ প্ৰেমৰ কুঁহি
আমনি নকৰিবি
দুষ্ট ফাগুণ আহি.... !
দুষ্ট ফাগুণ আহি ৷
ঘন ক’লা চুলিতে মই
কেতেকী ফুল পিন্ধিলোঁ
ৰাতিৰ অভিসাৰিকা মই
মায়াৰ সাজে সাজিলোঁ,
ঘন ক’লা চুলিতে মই
কেতেকী ফুল পিন্ধিলোঁ
ৰাতিৰ অভিসাৰিকা মই
মায়াৰ সাজে সাজিলোঁ
কোনে লব আকোৱালি আহি ?
আমনি নকৰিবি
দুষ্ট ফাগুণ আহি.... !
দুষ্ট ফাগুণ আহি ৷
মায়াবী ৰাতিত মই.....!
সোণৰে হৰিনী !
যৌৱন মোৰ অগনি লাগি
খেয়ালী মনক মই
বান্ধিব নোৱাৰোঁ !
কৰিছে আমনি আহি..
আহি.. !
ৰঙা ওঁঠত বিলালোঁ হাঁহি !
আমনি নকৰিবি
দুষ্ট ফাগুণ আহি.... !
দুষ্ট ফাগুণ আহি ৷
মন ৰঙা বুকুতে মোৰ
জেতুকা ৰং বোলালোঁ
হিয়াৰ পৰিচাৰিকা মই
ৰূপৰ শিখা জ্বলালোঁ ,
মন ৰঙা বুকুতে মোৰ
জেতুকা ৰং বোলালোঁ
হিয়াৰ পৰিচাৰিকা মই
ৰূপৰ শিখা জ্বলালোঁ
ৰঙা ওঁঠত বোলালোঁ হাঁহি !
আমনি নকৰিবি
দুষ্ট ফাগুণ আহি.... !
দুষ্ট ফাগুণ আহি ৷
কেতেকী নহওঁ মই
মালতী নহওঁ মই
নিশাৰে তগৰ পাহি..
আমনি নকৰিবি
দুষ্ট ফাগুণ আহি.... !
দুষ্ট ফাগুণ আহি ৷৷
বোলছবি/এলবাম:বিশেষ এৰাতি
গায়ক/গায়িকা: অনিমা চক্ৰবৰ্ত্তী
সংগীত পৰিচালক: উপেন কাকতি
(ইউনিক’ড ৰূপান্তৰ: দিগন্ত শইকীয়া)
*** গীতটো চাই শুধৰাই দিয়াৰ বাবে অনুৰাধা বৰুৱা. আৰু অৰ্পনা প্ৰীতি গগৈ লৈ আন্তৰিক ধন্যবাদ জনালোঁ ***
No comments:
Post a Comment