কথা :
মোৰ আইৰ চকুপানী আৰু দেউতাৰ কপালৰ ঘাম কোন দেশৰ মাটিত সৰি পৰে ?
গীত :
ৰিমঝিম ৰিমঝিম বৰষুণে
নেপুৰ বজায় ক’ত ? ক’ত ?
গিৰগিৰ গিৰগিৰ ডাৱৰেনো
মাদল বজায় ক’ত ?
এই অসম দেশত, অসম দেশত ।
মাইহাং বাটিত সোৱাদ পানী
যাচে কোনে ক’ত ?
কাৰ পদুলিৰ কেতেকীনো
মলেমলায় ক’ত ?
এই অসম দেশত, অসম দেশত ।
এধানি এধানি নৈ সাগৰ হয় ক’ত ? ক’ত
সাগৰকো ভয় নকৰেনো কোনে ক’ত
এই অসম দেশত, অসম দেশত ।
আইৰে চকুৰে মুকুতানো সৰে ক’ত ?
সেই মুকুতাৰে মণি পিন্ধি
সাহ পাওঁ ক’ত ?
মোৰ দেউতাৰে কপালৰে ঘাম সৰে ক’ত ?
সেই ঘাম দেখি মৰোঁ যেনে
লাগে মোৰ ক’ত ?
অ’ মোৰ অসম দেশত, অসম দেশত ।
মোৰ কলিজাৰে সুৰবোৰ
বুজে কোনে ক’ত ?
ন পুৰুষে দেশৰ হকে তেজ দিয়ে ক’ত ?
আনে কৰা উপলুঙা ওফৰাইনো ক’ত ?
এই মোৰ অসম দেশত, অসম দেশত ।
(ইউনিক'ডীয় ৰূপান্তৰ → মালিনী গোস্বামী )
No comments:
Post a Comment