ব্ৰহ্মপুত্ৰৰ দুটি পাৰ দলঙে লগ লগালে
চন্দ্ৰৰ বুকুলৈ মানুহ যাবলৈ ওলালে
মানুহৰ মনৰ মাজত চেনেহ দলঙ গঢ়িবলৈ
আমি অকণি ওলামেই দলে দলে ওলামেই
ক’ৰবাত কেনেবাকৈ ডাঙৰসকল নোলালে
ডাঙৰ ডাঙৰসকলৰ পোহৰৰ সমাজখন
অবিশ্বাসৰ এন্ধাৰে কেতিয়াবা ঢাকিলে
আমি সৰু সৰুবোৰে জোনাকী পৰুৱা হৈ
পোহৰ বিলাওঁ বুলি দলে দলে ওলামেই
ক’ৰবাত কেনেবাকৈ ডাঙৰসকল নোলালে
মানুহৰ সমাজৰ মৰমৰ জলধিত
পৰিণত কৰিবলৈ বহু পানী লাগিলে
আমি সৰু সৰুবোৰে মৰম কণিকা হৈ
সাগৰ ওপচাবলৈ দলে দলে ওলামেই
ক’ৰবাত কেনেবাকৈ ডাঙৰসকল নোলালে
(ইউনিক'ডীয় ৰূপান্তৰ → মালিনী গোস্বামী)
No comments:
Post a Comment