অনুসন্ধান আকাংক্ষাত

Friday, September 14, 2012

আন্ধাৰৰ মাজে মাজে






আন্ধাৰৰ মাজে মাজে

          জ্বলো নজ্বলোকৈ

                   তই কিনো পোহৰৰ দ্যুতি ?

পাওঁ চিনি

পাওঁ চিনি

          তই কিনো তই কিনো অভিনৱ জ্যোতি ৷

মোৰ লালায়িত ভঙ্গৰ

          সুৰ লয় তানে

          মোৰ বিয়াকুল প্ৰাণে

মোৰ অৰচিত বিৰচিত

          ৰঙা নীলা গানে

                   তোক চিনে....

লীলায়িত সুৰ লয় তানে

          মানে

                   প্ৰাণে প্ৰাণে

অৰচিত বিৰচিত গানে গানে

          হাঁহি তোৰ উঠিছে ফুটি ৷



[জ্যোতিপ্ৰসাদ আগৰৱালাদেৱে ৰচা গীত-কৱিতা]
[ইউনিকড ৰূপান্তৰ:  দিগন্ত শইকীয়া]

No comments: