বনজুই বনতহে জ্বলে দেখা পোৱা যায়
মনৰ জুই মনত জ্বলে দেখাতো নেপায় হে ।
হিটলাৰৰ জোতাৰ শৱদ হে গিৰিপ গাৰাপ চলে
ইহুদী নিধন পৰ্বত সহস্ৰ মৰিল হে ।
বিংশ শতাব্দীৰ সিদিনা চতুৰ্থ দশক
বিশ্ব জুৰি মহাসমৰে পৃথিৱী জ্বলাওক হে।
ভাৰতৰে গান্ধী বাপু হে আৰু ফৰণ্টিয়াৰ গান্ধী
হিংসা আৰু অহিংসা হে দুটি অস্ত্ৰ আছে
হিংসা এৰি গান্ধী বাপুই অহিংসা বাছিছে হে ।
বিশ্ব যুদ্ধত জনগণৰ হে নিধন হয় দুগুণ
তাৰ পাছে শিশুৰ জনম হয় তিনিগুণ ।
বৰপদুমণি গাঁৱৰহে এক দম্পতিৰে কথা
সন্তানহীন দেখি বুকুত লাগিছে যে বেথা ।
বিশ্বযুদ্ধৰ অশান্ত বায়ু আমাৰ অসমতো বয়
নেতাজীৰ মুক্তিযোদ্ধা কোহিমাতে ৰয় ।
বৰপদুমণি গাঁৱত হে ইংৰাজৰ পুলিচে
অত্যাচাৰী হৈ হাঁহ কুকুৰা কাঢ়িছে হে ।
জাপান দেশৰ যুদ্ধ বিমান হে অসমত উৰিছে
চহৰ নগৰ মহা ত্ৰাসত এন্ধাৰত বুৰিছে ।
ইস্কুল কলেজ বন্ধ কৰি হে হাচপতাল পাতিছে
বিশ্ব যুদ্ধৰ সঙ্গে সঙ্গে মুক্তি ৰণ চলিছে ।
শংকৰ মাধৱৰে ভাওনাৰ শুদা আখৰা থলি
ডবা নাই নামঘৰৰো চাকি নুঠে জ্বলি ।
আমাৰ দম্পতিৰ মনতো এক মনৰ যুদ্ধ চলে
সন্তানহীন হৈ দুয়ো কান্দো অকলে হে ।
লখিমী পথাৰৰ ধান আঘোণত দাইছে হে ।
সোণালী আঘোণ মাহ হে বছৰে আহিছে
মনৰ পথাৰ শুদা দেখি অন্তৰ দহিছে হে ।
(ইউনিক'ডীয় ৰূপান্তৰ → মালিনী গোস্বামী)
No comments:
Post a Comment