ফুট গধুলীতে
কপিলী খুটিত
কোন গোর্খালী গাভৰুৰ গাইজনী হেৰাল ।
গাইজনীনো কেনে
তুলনা যে নাই
হেনো সেই চাপৰিত তাইৰ মান গাখীৰতী নাই ।
কাঞ্চীয়ে ৰিঙিয়াই,
'অ' বগী গাই,
'অ' লছমী গাই
তুমি দেখোন নাহিলে ব্যৱসায়ো নাই,
-সেই মিঠা মাতৰ কপিলী কঁপায় ।
তাইৰ ৰূপতীর্থৰ যাত্রী
এজন মাথোঁ আছে
গাঁও তাৰ ক্ষেত্রী
সি নলবাহাদুৰ ছেত্রী
গাই বিচৰাৰ ছলে মনৰ মৰম যাচে
সেই মৰম দেখি কাঞ্চীজনী ৰঙা পৰি যায় ।
নল খাগৰীৰ মাজতে
সি গাই বিচাৰি পালে
গাই বিচাৰি পাই
তাইক গাইজনী দিলে
গাইজনীয়েও আনন্দতে গো-ধূলি উৰায় ।
(ৰচনা কাল- ১৯৫৫ চন; স্থান- নগাঁৱৰপঅ গুৱাহাটীলৈ অহা বাটত)
(ইউনিক'ডীয় ৰূপান্তৰ → খনিন্দ্র মাধৱ শইকীয়া )
No comments:
Post a Comment