ডেকা: সুন্দৰী চাওঁ কিনো কল্পনা
সুন্দৰী আঁকা কিনো কল্পনা
মই কল্পনা-জল্পনা আল্পনা-চাল্পনা
যিহকে আঁকো মোৰ পৰিকল্পনা
কিয় ক’ম কোৱানা
(কথা:)
ডেকা : মোকনো নাআঁকা কিয় ? মোৰ ৰূপ জানো
দ্বাৰকাৰ অনিৰুদ্ধ যেন নহয় বাৰু ”
(গীত:)
গাভৰু : দাপোনত মুখ চাই আহিলেই ভাল
আৰু চিত্ৰলেখা মইও নহও কাৰো
শুনিছানে নাই কোৱানা
বুজিছানে নাই কোৱানা
ডেকা : বাৰু চিত্ৰলেখা তুমি নোহোৱা কাৰো
ঊষাও কাৰো নোহোৱা বাৰু
পিচে ঢুকি পাব নোৱাৰা বিধৰ মই
আকাশৰ মিঠা মিঠা চন্দ্ৰমা
যদি চন্দ্ৰমা তুমি হোৱা মইও সূৰ্য্য
আকিম চন্দ্ৰমাতে মৰমী চুমা
গাভৰু : অ’ সূৰুজ বদন কিয় ইমান প্ৰতাপ
সহিম কেনেকৈ বাৰু মিঠা উত্তাপ
খহনীয়া নৈ চঙেলীয়া পানী
বৌ মোৰ উটায় পৰাণ
তোমাৰেই নৈতে কৰো শতবাৰ
সুশীতল মুক্তিৰ স্নান
ডেকা : মোৰ মন গহনলৈ তুমি আমন্ত্ৰিত
সেই আবেশত মোৰ বুকু স্পন্দিত
দেহ মন মোৰ হল আল্পনা
কোনেনো তুলিকা বুলায় ?
তোমাৰ আল্পনা নিমজ স্নিগ্ধ
কামদেব পিছলি যায়
সাবটো কেনেকে বাৰু তুমি কোৱাঁনা
হাঃ হাঃ হাঃ হাঃ
(জয়ন্ত হাজৰিকা আৰু নিৰ্মলা মিশ্ৰৰ দ্বৈত কণ্ঠত)
(ইউনিক'ডীয় ৰূপান্তৰ -দীপা ডেকা)
No comments:
Post a Comment