সাগৰ সংগমত কতনা সাঁতুৰিলোঁ

সাগৰ সংগমত কতনা সাঁতুৰিলোঁ

তথাপিতো হোৱা নাই ক্লান্ত

তথাপি মনৰ মোৰ প্রশান্ত সাগৰৰ 

ঊর্মিমালা অশান্ত

মনৰ প্রশান্ত সাগৰৰ বক্ষ         

জোঁৱাৰৰ নাই আজি অন্ত

অজস্র লহৰে নৱ নৱ গতিৰে

আনি দিয়ে আশাই অফুৰন্ত



প্রশান্ত পাৰৰে মহা মহা জীৱনৰ

শান্তি আজি আক্রান্ত

নৱ নৱ সৃষ্টিৰ দৈত্য-দানৱে কৰে

নিষ্ঠুৰ আঘাত অবিশ্রান্ত

সেয়েহে মনৰ মোৰ প্রশান্ত সাগৰৰ

ঊর্মিমালা অশান্ত



ধ্বংসৰ আঘাতক দিছে আজি সংঘাত

সৃষ্টিৰ সেনানী অনন্ত

সংঘাতে আনে মোৰ প্রশান্ত সাগৰত

প্রগতিৰ নতুন দিগন্ত

সেয়েহে মনৰ মোৰ প্রশান্ত সাগৰৰ 

ঊর্মিমালাই অশান্ত



গভীৰ প্রশান্ত সাগৰৰ শক্তিয়ে

ধ্বংসক কৰে দিক্-ভ্রাণ্ট

অগণন মানৱৰ শান্তিৰ সমদল

সৃষ্টিকামী দিগন্ত

সেয়েহে মনৰ মোৰ প্রশান্ত সাগৰৰ 

ঊর্মিমালাই অশান্ত




(ইউনিক'ডীয় ৰূপান্তৰ -মিতালী বৰ্মন )