লুইততে মোৰ ঘৰ
লুইতেই মোৰ পৰ
লুইতেই যে ভাঙে গঢ়ে
আশাৰ বালিচৰত এদিন
তুমি হ,লা মোৰ
একনি নাৱতে দুয়ো
হৈছিলো বিভোৰ
আজি কিয় গুচি গ’লা
কিয় নিৰুত্তৰ ?
ইকুল সিকুল বিচাৰি মই
মাজ নদীতে ৰ’লো
চকোৱা বিহীন চাকৈৰ দৰে
মাজ নিশা বিনালো
যোৱাটো বানপানীতে মই
তোমাক হেৰুৱালো
ইকুল-সিকুল বিচাৰি মোৰ
লাগিলে ভাগৰ
লুইতেই মোৰ ঘৰ
মৰণ কালসৰ্পই আহি দংশিলে তোমাক
বেউলাৰ গুন নাই যে, ভুলাম দেবতাক
সিপুৰীত যেন পাও তোমাৰ পৰশ চৰণৰ
লুইতে যে ভাঙে গঢ়ে সপোন মৰমৰ
(ইউনিক'ডীয় ৰূপান্তৰ → দীপা ডেকা)
No comments:
Post a Comment