কোনে জানে তোমাৰ সপোন হ’ব নে পূৰণ ?
আকাশতে থকাজনে লিখে কপালৰ লিখন;
জীৱনৰে ছবি আঁকি কোনে সজাই দিব ?
আকাশতে থকাজনে লিখে কপালৰ লিখন |
জীৱন বীণা আনন্দেৰে যদি খোজা বজাব
হাঁহি হাঁহি বিধিৰ লিপি মানিলেই হ’ব;
দুখত যদি হাঁহি থাকা মচি তোমাৰ মৰণ,
আকাশতে থকাজনে লিখে কপালৰ লিখন |
জীৱনৰ আন এটি নাম পদুম পাতৰ পানী,
প্ৰভাতে যে কাল সন্ধিয়াৰ নেজানে আঁচনি, আঁচনি |
কোনে জানে কাহানি হয় উশাহৰ মৰণ,
আকাশতে থকাজনে লিখে কপালৰ লিখন |
আকাশতে থকাজনে লিখে কপালৰ লিখন |
কোনে জানে তোমাৰ সপোন হ’ব নে পূৰণ ?
আকাশতে থকাজনে লিখে কপালৰ লিখন ||
সংগীত পৰিচালক : ভূপেন হাজৰিকা
কণ্ঠ : শ্যামল মিত্ৰ
পৰিচালক :
মুক্তি : ১৯৬৫
(ইউনিক’ডীয় ৰূপান্তৰ-প্ৰাঞ্জল বড়া)
No comments:
Post a Comment