সেউজী পাৰত তোমাৰ নিৰলা ঘৰত

কথা:
১৯৫০ চনৰ ফাগুন মাহত পাৰ্বতী প্ৰসাদে সেউজী পাৰৰ 
নিৰলা ঘৰত বিদায় পৰৰ কোনোবা মূহুৰ্তৰ উচুপনিত গীতেৰে 
বান্ধি চিৰযুগামীয়া কৰিলে



গীত :
সেউজী পাৰত তোমাৰ নিৰলা ঘৰত, বিদায় পৰত,

উচুপি যি কথা ক’লা, জানোচা পাহৰি গ’লা,

জানোচা পাহৰি গ’লা, সেউজী পাৰত |




মাথো এটি ৰাতি প্ৰেমৰ সঁফুৰা সমুলি দিছিলা মেলি,

মন ভাল লগা গীতৰ সুৱদি ঢালি 

নিশা পুৱতিত তোমাৰ বাতেদি, যেতিয়া আতৰ হ’লা,

জানোচা পাহৰি গ’লা, জানোচা পাহৰি গ’লা |

সেউজী পাৰত ..




তোমাৰ খোপাৰ সৰি পৰা এটি, ৰঙা কৰবিৰ পাহি,

তাৰো আজি হায় পাপৰি গ’ল মৰহি 

তেনেকৈয়ে হায় শুকালে যেতিয়া, পিন্ধালো যিধাৰি মালা,

জানোচা পাহৰি গ’লা, জানোচা পাহৰি গ’লা;

সেউজী পাৰত তোমাৰ নিৰলা ঘৰত, বিদায় পৰত,

উচুপি যি কথা ক’লা, জানোচা পাহৰি গ’লা,

জানোচা পাহৰি গ’লা, সেউজী পাৰত |




(ইউনিক'ডীয় ৰূপান্তৰ -দীপাংকৰ চেতিয়া)