মন ক্ষণে ক্ষণে বিনায়
মাতৃৰ ঘুমতি হেৰায়
হৃদয় শুনাই আঁকি দিয়া ফোঁট
কপাল শুৱাই
আই তোৰ কপালত আঁকি দিম
জেউতিৰ তিলক পিন্ধাই দিম
টিৰাপৰ শিখৰত মণিকূট গঢ়ি দিম
হিয়াকে সজাই
আই মোৰ সহিছ ক্লেশ
কি দৰে বুজামে তোক
চাই তোৰ মলিন বেশ
মনতে লাগিছে শোক
পুত্ৰ হৈ মই নীৰৱে থাকিলোঁ
অভিশাপ নিদিবি মোক
আই তোৰ থাপনাত শুৱাই দিম
আই তোৰ চৰণ ধুৱাই দিম
অৰুণাচলতে বৰঘৰ সাজি দিম
কৃষ্টি জীয়াই
(ইউনিক'ডীয় ৰূপান্তৰ → মালিনী গোস্বামী)
1 comment:
ভূপেন হাজৰিকাদেৱৰ কণ্ঠেৰে নিগৰিত 'ৰশ্মিৰেখা' বোলছবিৰ গীত , সংগীত পৰিচালক- উপেন কাকতি ৷
Post a Comment