বহাগী অ’
অ’ শাওণী
অ’ ভাদৈ পাটমাদৈ
কি জগৰ লগালো মই
কি জগৰ লগালি তই
ৰগৰ উঠা গগনাটিৰ
কোননো দেশলৈ অ’ মোক
নিঠৰুৱা কৈ এৰি থৈ
নামাতিবি কেটেৰাই
নাগাবি গীত জেঙেৰাই
শৰীলনো ক’লা পৰি
দহি দহি হ’লো ছাই
কিয় হ’ল এনুৱা বিলাই
আহিনীৰে পিৰালিত
কাতি চেঙা ৰ’দালি
আঘোণীৰে চোতালত
পুহী পেহী ৰূপালী
মাঘী মাহীৰ মুখত হাঁহি নাই
ক’লৈ
যাৱ ফাগুণী তোৰ
কেলেই বাৰু সুৰৰ খাৰু
পিন্ধিও নিপিন্ধিলি
ঝুনুক ঝুনুক জুনুকা বজাই
নাযাবি মোক এৰি থৈ
নেৰিবি মোক অকলৈ
মিঠা মিঠা মনটি মোৰ
তিতা কেঁহা কৰি থৈ
নিজান জাৰণিত বন্দী কৈ
(ইউনিক'ডীয় ৰূপান্তৰ → মালিনী গোস্বামী)
No comments:
Post a Comment