আজি জাগ্ৰত ভাৰত
পোহৰৰ গানে গানে
জাগে জনতাৰ মহাপ্ৰাণ,
যুগ যুগ সঞ্চিত
স্বাধীনতাহীনৰ
জাগে জ্বালাময়ী অভিমান ৷
আজি যত ত্যাগীৰ
প্ৰদীপ্ত কপালৰ
অৰুণাৱলীয়ে হাঁহি
দলিতৰ ঘৰ পোহৰায়,
মহাপোহৰৰ বাটে
মোহন গান্ধী গ’ল
পৃথিৱীকে বাট দেখুৱায় ৷
ৰামধেনু বাটেৰে কোন যাবি, কোন যাবি
হ আগুৱান.......
জ্বলন্ত ফুটন্ত এই জ্যোতি - প্ৰপাতৰ
আলোক – ছন্দত ঝঙ্কৃত
বিশ্বৰ নৱতম সুৰ – লয় – তান
গা, গা, গা আজি ভাৰতৰ ঘৰে ঘৰে পোহৰৰ গান ৷
[জ্যোতিপ্ৰসাদ আগৰৱালাদেৱে ৰচা কবিতা]
[ইউনিক’ড ৰূপান্তৰ:
দিগন্ত শইকীয়া]
No comments:
Post a Comment