মেঘে গিৰগিৰ কৰে
আহা হিৰ হিৰ মেঘে কৰে
বা লাগি আগলতি কলাপাত লৰে
এজাক যেন বৰষুণ আহোঁ আহোঁ কৰে
বহুদিনে ছন পৰা
মোৰ গাঁৱৰ মাটিডৰা
চহ কৰি সেউজ কৰিম
আনন্দে নধৰে
মেঘে গিৰগিৰ কৰে
আহা হিৰহিৰ মেঘে কৰে
ধান নিদিওঁ ঋণো নলওঁ
সুদ নিদিওঁ আৰু
মহাজনৰ নিঠুৰ বুধি
সহো কেলেই বাৰু
বহুতো যে ঘাম সৰালোঁ
তেজো বুকুৰ বহু দিলোঁ
কাঁচিখনত শাণ দিলোঁ
সাহস ভৰি পৰে
মেঘে গিৰগিৰ কৰে
আহা হিৰ হিৰ মেঘে কৰে
এজাক যেন বৰষুণ আহোঁ আহোঁ কৰে
(ইউনিক'ডীয় ৰূপান্তৰ → মিতালী বৰ্মন)
No comments:
Post a Comment