(শিশুৰ গীত )
পাচলিৰ বাগিচা সৰু বাগিচা,
মোৰ সৰু বাগিচা জানো দেখিছা ?
তাত মই ৰুইছোঁ, পাচলি ইমান
সৰিয়হ ফুলবোৰ ফুলিছে কিমান !
সৰু সৰু কোৰেৰে নিজে কোৰ মাৰোঁ
সৰু সৰু খন্তিৰে নিজে চাহ কৰোঁ |
আবেলি পাচলিত দিওঁ মই পানী
মটৰৰ কলিবোৰ খাওঁ চিঙি আনি |
কবি, মূলা, উৰহি, শাক লফা, লাই
পুৱাতেই চিঙো মই খৰাহী ভৰাই |
বজাৰত পাচলি বহু বেচা হয়,
মোৰ বাগিচাৰ দৰে সোৱাদ নহয় |
পাচলিৰ বাগিচা সৰু বাগিচা,
মোৰ সৰু বাগিচা জানো দেখিছা ?
*গীতিকাৰ: ড০ ভূপেন হাজৰিকা, সুৰ আৰু কন্ঠ: ৠতুপৰ্ণ শৰ্মা আৰু সহশিল্পী এটি অজ্ঞাত শিশু, *এলবাম: ’অকণিৰ গীত’
(ইউনিক'ডীয় ৰূপান্তৰ → প্ৰাঞ্জল বড়া)
No comments:
Post a Comment