হে’ চৰাইদেউ পৰ্ব্বতত কুকুৰা (বিহু গীত)

হে’ চৰাইদেউ পৰ্ব্বতত কুকুৰা কাটিলোঁ,

পাটকাইত পৰিলে তেজ,       

নাচনীৰ খোপালৈ চাবকে নোৱাৰি,

অ’ যেন ময়ুৰৰে নেজ |

কি চাই আছ’ ৰৈ ৰৈ ?

কি চাই আছ’ থিয় হৈ ?            ...২ বাৰ(ভূ:হা: ১, পু: সমজুৱা ১)

                         

মন মৰা যেন দেখিলে,

বেয়া লাগে সছাঁকৈ |                 ...২বাৰ(ভূ:হা: ১, পু: সমজুৱা ১)

কি চাই আছ’ ৰৈ ৰৈ ?                    

কি চাই আছ’ মুখলৈ ?              ...২বাৰ (নাৰী: ১, না: সমজুৱা ১)

হেমহেমিয়া চাপৰত

নাচোঁনো মই কেনেকৈ !?

...২ বাৰ (নাৰী: ১, না: সমজুৱা ১)

                             

গিৰিপ গিৰিপ কৰি

নাচি থাক ঐ নাচনী আইজনী |                         ...ভূ: হা: ১

নাচি থাক ঐ নাচনী আইজনী |                         ...পু: স: ১

ভিৰাই নামাৰিবি লৰ |                                       ...পু: স: ১       

মিচিক-মাচাক কৰি

হাঁহি থাক ঐ নাচনী আইজনী                          ...ভূ: হা: ১

হাহি থাক ঐ নাচনী আইজনী                          ...পু: স: ১

দেহাতে পিৰীতিৰ জ্বৰ |                                   ...পু: স: ১

হে ধিনিকি, হে ধিন দাওঁ দাওঁ,

বজাই থাক ঐ ঢুল এটি দেহি,                          ...না: ১           

বজাই থাক ঐ ঢুল এটি দেহি,                          ... না: স: ১

নলগা লৈকে ভাগৰ |                                     ... না: স: ১

হে দেহা ভাঙি ছিঙি

হে নাচিবলৈ মনে ঐ দেহি,                    ... না: ১

নাচিবলৈ মনে ঐ দেহি,                         ... না: স: ১

কঁকাল ঐ নৰইচোন থৰ !!                   ... না: স: ১

ৰাতি পৰে পৰে                                    ... ভূ: হা: ১

ফেঁচাই কুৰুলিয়াই,

ফেঁচাই কুৰুলিয়াই,

আমাৰ বিহুত আমনি নাই |                  ... পু: স: ১                        

বিহুৰে তলিতে                                     ...ভূ: হা: ১

তোকে বাচি ললোঁ,             

তোকে বাচি ললোঁ

কঁকাল খামুচিয়া চাই |                          ...পু: স: ১

শালিকি চৰাইয়ে                                       ... না: ১           

কিৰিলী পা..পাৰিলে.,

কিৰিলী পা..পাৰিলে

গছৰ গুটি খাবলৈ পাই |                       ...না: স: ১

তোৰে মোৰে জান ঐ                           ... না: ১

পিৰীতি প..পকিলে,          

পিৰীতি প..পকিলে              

ৰাতিৰ বিহু চাবলৈ পাই |                      ...না: স: ১

অ’ চেঙেলী ধৰিলোঁ চিপত সমনীয়া

চেঙেলী ধৰিলোঁ চিপত,

হাত বাওলি মাতিলে মানুহে দেখিব,

আহিবি তই চকুৰে,

এ টিপত লো মন চৰাইয়ে ফুটুকলা,                  

খাইয়ে লো মন চৰাইয়ে ফুটুকলা চৰাইয়ে ফুটুকলা খাই |

... ভূ: হা: ১

হে’ই, আকৌ লো মন চৰাইয়ে ফুটুকলা

খাইয়ে লো মন চৰাইয়ে ফুটুকলা চৰাইয়ে ফুটুকলা খাই |

... পু: স: ১

হে’, ধনবৰৰ জীয়েকক

মনবৰে লৈ গ’ল

কঠিয়ানী তলিতে ... ভূ: হা: ১

 পাইয়ে লো মন চৰাইয়ে ফুটুকলা,               

খাইয়ে লো মন চৰাইয়ে ফুটুকলা চৰাইয়ে ফুটুকলা খাই |

 ...পু: স: ১

হে’ই, আকৌ লো মন চৰাইয়ে ফুটুকলা

খাইয়ে লো মন চৰাইয়ে ফুটুকলা চৰাইয়ে ফুটুকলা খাই ||

                                                    ...৩ বাৰ পু: স: ১..২..৩..

                                         

আইজ’ঐঐ....হিৰ ৰ ৰ ৰ ৰ ৰ ৰ

(ইউনিক'ডীয় ৰূপান্তৰ  → প্ৰাঞ্জল বড়া)