লুইত পৰীয়া তেজাল ডেকা
তুমি আজি শ্বহীদ হলা
যি শ্বহীদবেদী
কালি মাথোঁ সাজিছিলাঁ
সেই বেদীতেই মৃতদেহ হৈ
তুমি আজি শ্বহীদ হলা
শৰীৰ তোমাৰ আজি শব্দবিহীন
জ্যোতিত বিলীন হ’লা
পিছে প্ৰকাশৰ যেন
আগ্নেয়গিৰি হৈ
আৰ্তনাদ হ’লা
আৰ্তনাদ হ’লা
তুমি আজি অমৰ হলা
লুইত পাৰৰে সবাৰে শান্তিৰ
বাবেই সংগ্ৰামী হ’লা
প্ৰতাৰণাৰ চিকাৰ হৈ
আজি যেন গুচি গ’লা
তুমি যেন প্ৰদীপ হ’লা
আছিল কিমান তোমাৰ আঁচনি
অপূৰ্ণ দেখি গ'লা
অপূৰ্ণতাক পূৰ্ণ কৰিবলে'
হেজাৰক প্রেৰনা দিলাঁ
হেজাৰক প্রেৰনা দিলাঁ
তুমি আজি শ্বহীদ হ'লা ৷৷
(কথাছবি: সংকল্প ,১৯৮৪ চন)
(ইউনিক'ডীয় ৰূপান্তৰ → দীপা ডেকা)
No comments:
Post a Comment