শৈশৱতে ধেমালিতে তোমাৰে ওমলা মনত আছে
ব’হাগ মাহৰ লুইতখনিত দুয়ো
সাঁতোৰা মনত আছে
মোৰ অবিহনে চিপজৰী ল’বা বুলি কোৱা মনত আছে
ব’হাগ মাহৰ লগতে এদিন আহিল বৰদৈচিলা
সেই ধুমুহাত কাৰোবাৰ স’তে তুমি দেখো গুচি গ’লা
মনৰ গৰাকী এৰি তুমি ধনৰ গৰাকী ব’ৰিলা
ধন ধন বুলি ধনৰ প্রেমেৰে স্বৰূপ প্রকাশ কৰিলা
বহুদিন গ’ল হঠাতে সিদিনা তোমাক দেখা মনত আছে
আঁতৰৰ পৰা দেখিলোঁ তোমাৰ স্বর্ণ গহণা জিলিকিছে
তোমাৰ অবিহনে চিপজৰী ল’ম বুলি যদি তুমি ভাবিছা
ভুল কৰিছা সোণজনী মোৰ
অলীক সপোন দেখিছা
জীয়াই
থাকিম !
জীয়াই থাকি এখন সমাজ গঢ়িবৰ পণ আছে
(ইউনিক'ডীয় ৰূপান্তৰ → মিতালী বৰ্মন )
No comments:
Post a Comment