আজি জনতাৰ নবীন চেতনা
পৃথিৱী বিয়পি জাগে,
সেই পোহৰত জগতৰ জনে
নতুন জীৱন মাগে ৷
সেই চেতনাৰ সংঘাত লাগি
ভাগিছে
শতাব্দীৰ
দুষ্কৃতিৰ য’ত দুৰ্ভেদ্য প্ৰাচীৰ ৷
জন-চেতনাৰ
স্পৰ্শত জাগে
ব্যথা-বেদনাৰ গান,
জাগে দুৰ্জ্জেয় অজেয় শক্তি
সংস্কৃতিৰ সুমহান ৷
এই চেতনাত ফুলি উঠে আজি
জন-জীৱনৰ আশা,
মুখৰিত আজি....
প্ৰাণ সঞ্চাৰি ভাষা ৷
আজি চেতনাৰ জনতা মনত
নবীন অভ্যুদয়
সেই চেতনাৰ সংঘাতে আনে
জন-জীৱনৰ জয় ৷
[জ্যোতিপ্ৰসাদ আগৰৱালাদেৱে ৰচা কবিতা,
তামোলবাৰী (০৭/০৮/১৯৪৯); মঙলদৈৰ ‘চেতনা’ কাকতলৈ পঠোৱা কবিতা ]
[ইউনিক’ড ৰূপান্তৰ:
দিগন্ত শইকীয়া]
No comments:
Post a Comment