মই জানোঁ মই কি |
মই জানোঁ মই কি |
সন্যাসী নহওঁ,
গৃহস্থও নহওঁ |
মই যি, মই কি ?
মই যি, মই সি |
মই কি, মই কি |
মই জানোঁ, মই কি |
বাটৰ মোহত,
মই মচগুল
মুক্ত নীলাত যি উৰি থাকে
লয়নে ঘৰৰ স্বাদ !?
বন্ধনহীন প্ৰেমিক মই,
ক্ষতি কি, ক্ষতি কি ??
মই জানোঁ মই কি |
হাবি কাটি বাট
নিজে গঢ়ি লোৱা
মই এক যাযাবৰ |
সেয়ে প্ৰিয়মৰ ঘৰ |
সুধে মাজে মাজে
অতীত এটা আছিল নেকি !
কোনে ভাবে ক’ত কি !?
মই যি, মই কি
মই যি,
মই সি;
সন্যাসী নহওঁ,
গৃহস্থও নহওঁ |
মই যি, মই কি ?
মই যি, মই সি |
মই কি, মই কি |
মই জানোঁ, মই কি |
মই জানোঁ, মই কি |
মই জানোঁ, মই কি |
*কথা: ড০ নিৰ্মল প্ৰভা বৰদলৈ, সুৰ: ভূপেন উজিৰ
শ্ৰাব্য এলবাম: “মোৰ গীত” (মিউজিক মেকাৰ্চ, ফাঁচি বজাৰ, গুৱাহাটী)
(ইউনিক'ডীয় ৰূপান্তৰ → প্ৰাঞ্জল বড়া)
No comments:
Post a Comment