কপিলী কপিলী ৰাংঢালী ছোৱালী মহিমা বুজাকে টান
কপিলী কপিলী তই হৈ বাউলী বাৰিষাৰ মাৰিলি ধান
কপিলী কপিলী গাভৰু ছোৱালী চঞ্চলা নাই তোৰ মান
কপিলী কপিলী দেহাৰ ভাঁজে ভাঁজে মিঠা যৌৱনৰে গান
কপিলী কপিলী তইতো নাজান তোৰ গাত কিমান শকতি
তইতো নাজান তোতেই লুকাই আছে হেজাৰ সুৰুজৰে জ্যোতি
বিজ্ঞানী ডেকাটি সাজি কাচি ওলালে লগতে ওলালে হাজাৰ
মৃত্যুক নেওচি শ্ৰমিকো ওলালে সাৱটি তোৰ দুয়ো পাৰ
কপিলী কপিলী পাগলী ছোৱালী মানুহক কৰিবি ত্ৰাণ
উমৰংচুজনীও তোৰেই লগে লগে হ'ব চিৰ জ্যোতিষ্মান
(ইউনিক’ডীয় ৰূপান্তৰ-মৌচুমী ভূঞা চৌধুৰী)
No comments:
Post a Comment