কোনে কয় মই অকলশৰীয়া
মই আৰু মোৰ ছাঁ
দুয়ো দুয়োৰে লগৰীয়া
পৃথিৱী নক’বা মই অকলশৰীয়া
সংগিহীনতা মোৰেই সংগী
বুলি কিয় তুমি উপহাস কৰিছা
মই আৰু মোৰ ছাঁ
দুয়ো দুয়োৰে লগৰীয়া
দূৰণিৰ বন্ধু সকলো মিছা
নিচেই কাষৰে ছাঁহে সঁচা
মই আৰু মোৰ ছাঁ
দুয়ো দুয়োৰে লগৰীয়া
আশাৰ বালিচৰত যেতিয়া ঘৰ সাজোঁ
মোৰেই ছাঁই বালি তুলি দিয়ে
এন্ধাৰ বাটতে মোৰেই ছাঁই মেলি দিয়ে
নিতে জ্যোতিৰ দলিচা
মই আৰু মোৰ ছাঁ
দুয়ো দুয়োৰে লগৰীয়া
পৃথিৱী নক’বা মই অকলশৰীয়া
(ইউনিক'ডীয় ৰূপান্তৰ → মিতালী বৰ্মন)
No comments:
Post a Comment