পুঠি মাছৰ উজান উঠে বহাগৰে মাহতে,
নল বিৰিণাৰ মৰমতে বাৰিষা ঔ আহিলে |
পুঠি মাছৰ উজান উঠে বহাগৰে মাহতে,
নল বিৰিণাৰ মৰমতে বাৰিষা ঔ আহিলে |
নল বিৰিণাৰ মৰমতে বাৰিষা ঔ আহিলে |
এ পানী পাই বাঢ়িলে পানীৰে বিহ মেটেকা,
পথাৰ পাই হালিলে, পথাৰ পাই হালিলে কাছ |
হে’ কিহৰে দুখতে শুকাইছ মইনাজান ?
কিহৰে দুখতে শুকাইছ মইনাজান ?
কালৈনো চিন্তা কৰি, এ কালৈনো চিন্তা কৰি থাক ?
মন চেঙেলীয়া ঔ মইনা তোকে দেখাৰ পৰা,
মন চেঙেলীয়া ঔ মইনা তোকে দেখাৰ পৰা,
ধন সাঁচতিয়া ঔ মইনা দেহা ভাঙি ধৰ তাৰ,
ধন সাঁচতিয়া ঔ মইনা দেহা ভাঙি ধৰ তাৰ,
তোকে হে’ আনিবৰ মন সৰুমাই,
তোৰে মোৰে মৰমতে লুইত খনো বাঢ়ি যাই,
তোৰে মোৰে মৰমতে লুইত খনো বাঢ়ি যাই;
মৰমৰে নাৱঁতে চেনেহৰে ব’ঠা লৈ,
তোকে নো আনিবলৈ, তোকে নো আনিবলৈ যাওঁ |
মৰমৰে নাৱঁতে চেনেহৰে ব’ঠা লৈ,
তোকে নো আনিবলৈ, তোকে নো আনিবলৈ যাওঁ |
জোনাইৰে জোনবৰ লক্ষীমপুৰৰ লক্ষীধৰ,
জোনাইৰে জোনবৰ লক্ষীমপুৰৰ লক্ষীধৰ,
এ মোৰে নো ছাতি ধৰা, মোৰে নো ছাতি ধৰা হ’ব |
গোগামুখৰ
গঙ্গাধৰ আৰু গহপুৰৰ গোপালে
গোগামুখৰ গঙ্গাধৰ আৰু গহপুৰৰ গোপালে
চাৰি-আলিত লগে হৈ বিশ্বনাথৰ ঘাটতে,
আমাক আদৰিবলৈ, আমাক আদৰিবলৈ ৰ’ব |
আমাক আদৰিবলৈ, আমাক আদৰিবলৈ ৰ’ব |
মোৰ ঘৰ তেজপুৰ, তোৰো হ’ল ৰংপুৰ,
তেজে ৰঙে মিহলি হ’ব |
আমাৰে মিলনৰ উছাহত উঠলি,
আমাৰে মিলনৰ উছাহত উঠলি
লুইত খনো বেগেৰে ব’ব |
লুইত খনো বেগেৰে ব’ব |
উত্তৰ পাৰৰ ল’ৰা বুলি
ভয় ন’ কৰিবি,
মাহেকে পষেকে আহিব তই পাৰিবি,
মাহেকে পষেকেই আহিব তই পাৰিবি,
লুইততে দলংবোৰ হ’ল,
লুইততে দলংবোৰ হ’ল |
লুইততে দলংবোৰ হ’ল,
লুইততে দলংবোৰ হ’ল |
লুইততে দলংবোৰ হ’ল,
লুইততে দলংবোৰ হ’ল ||
(ইউনিক'ডীয় ৰূপান্তৰ → প্ৰাঞ্জল বড়া)
No comments:
Post a Comment