স্নেহে আমাৰ শত শ্রাৱণৰ

স্নেহে আমাৰ শত শ্রাৱণৰ

ধাৰাসাৰ বৃষ্টিৰ প্লাৱন আনে

যৌৱন বাসনাৰ ৰিক্তোপকূল

পূর্ণ কৰে উন্মত্ত বানে

স্নেহে আমাৰ শত শ্রাৱণৰ

ধাৰাসাৰ বৃষ্টিৰ প্লাৱন আনে



নির্জন স্তব্ধ তিমিৰৰ পাৰ ভাঙি

উচ্ছল জীৱনৰ জোঁৱাৰ আনে

অপৰূপ বাৰিষাৰ তৰংগৰাশিয়ে

নাচে নৱ সৃষ্টিৰ গানে

যৌৱন বাসনাৰ ৰিক্তোপকূল

পূর্ণ কৰে উন্মত্ত বানে

স্নেহে আমাৰ শত শ্রাৱণৰ

ধাৰাসাৰ বৃষ্টিৰ প্লাৱন আনে



বিদ্যুত ক্ষীপ্র নয়নে তোমাৰ

মৌন ভাষাৰ উন্মাদনা সানে

নিশ্বাসে মোৰ আশাৰ আশ্বাসত        

তৃপ্তিৰ পৰিধি নেমানে



প্রীতি দিগবলয়ত গতিশীল গীত গাওঁ

বজ্রৰ গর্জনে হাৰ মানে

বৃষ্টিৰ তৃষ্ণাই মৌচুমী খেদি যায়

আমাৰ দৃষ্টিয়েও লক্ষ্য জানে

যৌৱন বাসনাৰ ৰিক্তোপকূল

পূর্ণ কৰে উন্মত্ত বানে

স্নেহে আমাৰ শত শ্রাৱণৰ

ধাৰাসাৰ বৃষ্টিৰ প্লাৱন আনে




(ইউনিক'ডীয় ৰূপান্তৰ -মিতালী বর্মন)