সেন্দুৰ সেন্দুৰ ফোঁটটিয়ে
পাতগাভৰুৰ কপালতে
সলাজ মৰম আঁকি দি
কিযে সোৱাদ পায়
মই আজিও নুবুজোঁ ।
মই আজিও নুবুজোঁ ।
মই আজিও নুবুজোঁ ।
গোলাপ গোলাপ গালতে
নিয়ৰৰে ঘামবোৰ
অকাই পকাই ৰৈ ৰৈ
কিযে সোৱাদ পায়
মই আজিও নুবুজোঁ ।
মই
আজিও নুবুজোঁ ।
নিলাজ নিলাজ ভঙ্গিমাৰে
পাহাৰৰে চূড়াবোৰে
নিজৰাক জোকাই
কিযে সোৱাদ পায়
মই আজিও নুবুজোঁ ।
কঁপা কঁপা মেখেলাই
ঢাকি থোৱা নখেৰে
ধূলিত ছবি আঁকি তাই
কিযে সোৱাদ পায়
মই আজিও নুবুজোঁ ।
মই আজিও নুবুজোঁ ।
মই আজিও নুবুজোঁ ।
(ইউনিক'ডীয় ৰূপান্তৰ -স্যামন্ত কুমাৰ গোস্বামী)
No comments:
Post a Comment