একেই আকাশ একেই মাটি

এলবাম :                  দেৱকন্যা

কথা :                       ড৹ দেৱজিৎ খনিকৰ

সংগীত পৰিচালনা : ৰসানন্দ গগৈ

সংগীত-ব্যৱস্থাপনাঃ ৰূপম তালুকদাৰ

বাণিবন্ধন সহযোগীঃ কমল কটকী,

প্রযোজনা  ‘সঙ্গীত সন্মোহিনী’ৰ হৈ অজন্তা দত্ত খনিকৰ 

একেই আকাশ, একেই মাটি,

একেই মেঘৰ বৃষ্টি;

একেই ভোক, একেই পিয়াহ,

একেই দুখৰ চকুপানী-

পৰিচয় আমাৰ মানৱ-জাতি !

আঁহ ফালি ফালি ভাগ নকৰিবি,

পৃথিৱীক এখন গাঁও কৰচোন আজি ;

খিয়লা-খিয়লিত শান্তি হেৰায়

হত-আহত হয় সম্প্রীতি,

কোন দূৰাচাৰী সুযোগ বিচাৰি

ভৰিৰে গৰকিছে দেশ-স্বজাতি !

অসম আমাৰ জন্মভূমি-

জননী আমাৰ আই অসমী ।

শান্তিৰ অসম বিচৰা

মহামিলনৰ সেতু বন্ধা-

আমি অসমীয়া পৃথিৱী-বলিয়া !!

পাহাৰ ভৈয়ামৰ ভাই-ভনী লগ লাগি

উদাত্ত কণ্ঠে কচোন এবাৰ আজি-

ভাল লাগে সেউজীয়া হ’লে পৃথিৱী,

ভাল লাগে মানৱতা হ’লে সাৰথি,

পৃথিৱীক এখন গাঁও কৰচোন আজি-

পৰিচয় আমাৰ মানৱ-জাতি ।।

**’অসমৰত্ন’ৰ ভূপেন হাজৰিকাদেৱৰ কণ্ঠত বাণীবদ্ধ হোৱা শেষ অসমীয়া গীত**

[ইউনিক’ড ৰূপান্তৰণ: ৰসানন্দ গগৈ, অৰুন্ধতী তালুকদাৰ]

** গীতটি বিচাৰি ইউনিক’ড আকাৰেৰে দিয়াৰ বাবে ৰসানন্দ গগৈদেৱলৈ বিশেষ ধন্যবাদ যাচিলোঁ**