এইটি বা কোন ওলালে
সিংহ কেনি লুকালে
নেগুৰ কটা শৃগাল আজি
ৰাজসভালৈ যায় ।
পপীয়া তৰা ওলালে
সূৰুজ কেনি লুকালে
তপস্বী বিৰাল আজি
নাম ঘৰলৈ যায় ।
গর্দভৰে নৃপতি
গর্দভে শুভে
ন্যায় এৰি নৃপতিটি
মৰিল অতি লোভে ।
কাউৰী সজাওঁ যদি
গজৰাজ মুকুতাৰে
তাৰ থৌঁট যদি জিলিকাওঁ
সুৱর্ণ মাণিকেৰে
তথাপি কাউৰী জানো ৰাজহংস হয় ?
ৰাইজ যদি ৰজা হয়
নৃপতি নো কোন
দেশখন বেচোঁতা এই
বদনটিনো কোন
তেজ শোহা জোক জানো
মহাপুৰুষ হয় ?
(ৰচনা কাল- ১৯৬৩ চন; কথাছবি- মণিৰাম দেৱান)
(ইউনিক’ডীয় ৰূপান্তৰ- খনিন্দ্র মাধৱ শইকীয়া )
No comments:
Post a Comment