আকাশী গংগা বিচৰা নাই
নাই বিচৰা স্বর্ণ অলংকাৰ
নিষ্ঠুৰ জীৱনৰ সংগ্রামত
বিচাৰোঁ মৰমৰ মাত এষাৰ
মহা মহা সাগৰৰে কতনা লহৰ লেখিলোঁ
মহা মহা নগৰীতে কতনা বাট হেৰুৱালোঁ
মৰম জ্যোতিৰ পম খেদি খেদি
বোৱালোঁ গুপুতে অশ্রুধাৰ
হয়তো নিতৌ হেজাৰজনৰ হেজাৰ শৰাই পাম
তথাপি কিয় বিশেষজনৰ মৰম বিচাৰি যাওঁ
মহা মহা নাটঘৰে ঘৰে কণ্ঠ-শোণিত নিগৰালোঁ
মহা মহা শ্রোতা-জনতাৰে মুখত হাঁহি বিৰিঙালোঁ
ক্ষণিত মৌন পৰত কোনেনো
পাতলাব মোৰ দুখৰে ভাৰ
(ইউনিক'ডীয় ৰূপান্তৰ- মিতালী বৰ্মন)
No comments:
Post a Comment