সেউজীয়া সেউজীয়া
লানিকৈ ৰুলে ঐ গছৰ শাৰী
সেউজী গছতে সোণৰ গুটি ৷
সেউজী গছতে সোণৰ গুটি লাগে
হীৰা ফুলে মাৰে পোহৰ ছাটি
সেউজী গছতে সোণৰ গুটি ৷
ভাটি দেশৰে কুলি ছোৱালী অ’
টুকুৰীৰ ভৰাবি কোমল পাতে
ভাগৰি জিৰাবি শিৰীষৰ ছাঁতে
আঙুলি বুলাবি পাতে পাতে ৷
খৰেকৈ বুলাবি অ’
তই
লাখো লাখ টকাৰে মোকে নাটে
আঙুলি বুলাবি পাতে পাতে ৷
চাহৰে বাগিছা নহয় মোৰ দেউতা
ৰূপৰে বাগিছা ফুলি
সেউজী গছতে সোণৰ গুটি ৷৷
(জ্যোতিপ্ৰসাদ আগৰৱালাদেৱে ৰচা গীত; দিলীপ শৰ্মাৰ
সৌজন্যত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment