আজি ঈদৰ এই মেহফিলত,
আজি ঈদৰ এই মেহফিলত
নফৰতৰ চিন-চাপ নাই,
নফৰতৰ চিন-চাপ নাই;
প্ৰাণে প্ৰাণে খুশিৰ তোফান
মিল্লতৰ জৱাব নাই,
আজি ঈদৰ এই মেহফিলত |
আহা সকলোটি মিলি
খুদাৰ বন্দা,
উৰুৱাই আছমানতে
একতাৰ ঝন্দা;
মানুহ মাজে ভেদ গঢ়েদি,
মানুহ মাজে ভেদ গঢ়েদি
তাৰ সমান খাৰাব নাই,
তাৰ সমান খাৰাব নাই;
আজি ঈদৰ এই মেহফিলত | (...ভূ:হা:)
মজহবতকৈও মানুহ ডাঙৰ,
জানি ল’বা ভাই,
মানুহৰ মিলন প্ৰীতি
ধৰ্মই শিকায় | (২ বাৰ,..সহযোগী১, ভূ:হা:১)
হিয়াত কপটতা লৈ
মছজিদলৈ নাযাবা,
মানুহকে নেওচি তুমি
খুদা ক’তো নাপাবা | (ভূ:হা:,সমবেত একেলগে)
সব ইবাদত মিছা যদি,
সব ইবাদত মিছা যদি
দিলত মৰম ভাব নাই,
দিলত মৰম ভাব নাই;
আজি ঈদৰ এই মেহফিলত | (ভূ:হা:)
মুখে আল্লা আল্লা কৈ
বগলত ছুৰি লৈ,
দুনীয়াৰ বাটে-ঘাটে
দুষ্ট কত আছে ৰৈ | (২ বাৰ, সহযোগী১, ভূ:হা:২)
লগৰ জনক কন্দুৱাই
গোপনে কতই হাঁহিছে,
লোকক ভোকত ৰাখি নিজে
কুৰ্মা-পোলাও ৰান্ধিছে | (ভূ:হা:, সমবেত একেলগে)
ইয়া ইলাহী এনে লোকৰ,
ইয়া ইলাহী এনে লোকৰ
কি কোনো আজাব নাই ?
ইয়া ইলাহী এনে লোকৰ
কি কোনো আজাব নাই ?
আজি ঈদৰ এই মেহফিলত,
আজি ঈদৰ এই মেহফিলত
নফৰতৰ চিন-চাপ নাই,
নফৰতৰ চিন-চাপ নাই;
প্ৰাণে প্ৰাণে খুশিৰ তোফান
মিল্লতৰ জৱাব নাই,
মিল্লতৰ জৱাব নাই;
আজি ঈদৰ এই মেহফিলত || (ভূ:হা:)
-(ভূপেন হাজৰিকা আৰু জয়ন্ত নাথৰ কণ্ঠেৰে নিগৰিত কাৱালী)
(কথাঃ - নুৰুল হক)
(সুৰঃ - মহম্মদ হুছেইন )
(১৯৮৮ চন) (ইউনিক'ডীয় ৰূপান্তৰ- প্ৰাঞ্জল বড়া)
No comments:
Post a Comment