এ ৰংপুৰৰ ৰংমন
বিহুলৈ আহিলে
ঐ এবেলা এমুঠি খাই,
হে’ গড়গঞাঁ নাচনী
আহে জাকে পাতি,
এ আমাৰ বিহুত
আমনি নাই | (...ভূ:হা:)
চাঙৰ চিৰা পিঠা অ’ মাজনী ঐ
আনা মোৰে লাহ..লাহৰী
আনা মোৰে লাহ..লাহৰী
দুয়োনো একে লগে খাওঁ | (..২বাৰ, ভূ:হা১, পু:স:)
(এ) কাক বাঁহৰ কৰীয়াত অ’ মাজনী অ’
চিৰানো ভৰাই দিয়া
চিৰানো ভৰাই দিয়া
বঙালী ম’হৰ খুটিলৈ যাওঁ | (..২বাৰ, ভূ:হা১, পু:স:)
বকুল বৰা ধানৰ এ চেনাইটি
চিৰানো খুন্দিছিলোঁ
চিৰানো খুন্দিছিলোঁ,
মখনা গাখিৰৰে দৈ | (...নাৰী১, না:স:১)
তুমি যে নহ’লে এ চেনাইটি
খাবকে মই নোৱাৰোঁ,
খাবকে মই নোৱাৰোঁ
থাকোঁ চেনাই আগতে লৈ | (...নাৰী১, না:স:১)
হালে বাব টানি অ’ মাজনী ঐ
ঘৰত নাই মোৰ ৰো-ৰোৱনি
ঘৰত নাই মোৰ ৰো-ৰোৱনি
সদাই নো বালি বোকা লাগে | (..ভূ:হা:১, পু:স:১)
হে পইছা দিলে ৰোৱনী অ’ মাজনী ঐ
আহে নো ক-কত জনী,
আহে নো ক-কত জনী
পথাৰতে মেল মাৰি থাকে | (..ভূ:হা:১, পু:স:১)
হে’ তোমালৈয়ে বুলি এ চেনাইটি
গুটি ফুলৰ গা-গামোচা
গুটি ফুলৰ গা-গামোচা
বুকুৰ নো মৰমেৰে ব’লোঁ | (...নাৰী১, না:স:১)
এ বিহুৰে বতৰত এ চেনাইটি
তুমিও যে না-নাহিলা
তুমিও যে না-নাহিলা
ওৰে দিন মই বাটলৈ চালোঁ | (...নাৰী১, না:স:১)
জাকৈ ঘুৰাই ঘুৰাই অ’ মাজনী ঐ
বা বা মোৰে লা-লাহৰী
বা বা মোৰে লা-লাহৰী
জাকৈনো ঘুৰাই ঘুৰাই বা বা | (..ভূ:হা:১, পু:স:১)
পোৱা কি নোপোৱা অ’ মাজনী ঐ
দেও নো দৰিকণা
দেও নো দৰিকণা
মনকে ঐ পতিয়াই চাবা | (..ভূ:হা:১, পু:স:১)
আহোঁতে এইবেলি এ চেনাইটি
চাবানোঁ মোলৈ এ বুলি
চাবানোঁ মোলৈ এ বুলি
যাওঁতে ঐ এইবেলি চাবা | (...নাৰী১, না:স:১)
বিৰিণা জোপাতে এ চেনাইটি
তামোলো থৈ আ-আহিছোঁ
তামোলো থৈ আ-আহিছোঁ
হেৰাই পালোঁ বুলিয়েই ক’বা | (...নাৰী১, না:স:১)
চাঙৰ চিৰা পিঠা অ’ মাজনী ঐ
আনা মোৰে লা..লাহৰী
আনা মোৰে লা..লাহৰী
দুয়োনো একে লগে খাওঁ |
এ কাক বাঁহৰ কৰীয়াত অ’ মাজনী ঐ
চিৰানো ভৰাই দিয়া
চিৰানো ভৰাই দিয়া
বঙালী ম’হৰ খুটিলৈ যাওঁ |
এ বঙালী ম’হৰ খুটিলৈ যাওঁ |
যাওঁ এ মাজনী ঐ
এ বঙালী ম’হৰ খুটিলৈ যাওঁ |
এ বঙালী ম’হৰ খুটিলৈ যাওঁ | ...(পু:স:)
(ইউনিক’ডীয় ৰূপান্তৰ- প্ৰাঞ্জল বড়া)
No comments:
Post a Comment