সাজু হ ,সাজু হ, নৱ জোৱান !
সাজু হ ,সাজু হ, নৱ জোৱান !
তই কৰিব লাগিব অগ্নিস্নান ৷
জীৱন যৌৱন
কৰি প্ৰাণপণ
ৰাঙলী কৰি দে ৰণাঙ্গান
জয়-শঙ্খ বজা
পৃথিৱী কঁপাই
অত্যাচাৰকো কৰি বৰণ
স্বাধীনতা ধন
নতু মৰণ
লোহাৰে শিলেৰে
বান্ধি ল’ মন ৷
বজ্ৰকণ্ঠে বিশ্বক শুনা
সত্যৰ জয়গান
বুকৰ তেজেৰে ধুই দে আজি
ভাৰতৰ অপমান ৷
সাজু হ ,সাজু হ, নৱ জোৱান ৷৷ ✰
✰ এই গীতটো গাওতে সাধাৰণতে "তই কৰিব লাগিব অগ্নিস্নান"ৰপৰা আৰম্ভ কৰা হয় ৷
(জ্যোতিপ্ৰসাদ আগৰৱালাদেৱে ৰচা গীত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment