অনুসন্ধান আকাংক্ষাত

Thursday, July 26, 2012

মোৰ বীণত বজা



মোৰ বীণত বজাতোক জগোৱা গানে

                তোক জগোৱা গানে

        তোৰ মনলে মোৰ ভাষাটি

        তোৰ প্ৰাণলে মোৰ আশাটি

                আনে .... আনে

                আনে জানো আনে ?

মই তোৰ কাষত বহি থাকোঁ

       মোৰ সোণ মৰমৰ সুৰৰ লহৰ

                   দিনে দিনেই বাকোঁ

                তই শুই থাকোতেই তোৰ

                      ভাবী জীৱনৰ

                       ৰামধেনু ৰঙৰ

                             কত ছবি

                             তই চাবলৈ

                নতুন চিনলৈতই যাবলৈ

                মই, ধুনীয়াকৈ আকোঁ ৷



তই সাৰ পাই যদি মেল চকুপাহি

                পদুম ফুলাৰ দৰে

তেনে মোৰ

                গানৰ আঙনি

                             সিঁচি সিঁচি যাবি

                             সাৰ নোপোৱাৰ ঘৰে ঘৰে ৷৷


 
(জ্যোতিপ্ৰসাদ আগৰৱালাদেৱে ৰচা গীত; ২৭/০৮/১৯৪৯)
(ইউনিকড ৰূপান্তৰ:  দিগন্ত শইকীয়া)

No comments: