বিজুলি বাঁতিৰে চাকি জ্বলোৱা
কোঠাত কৰিলি কি ?
পঢ়িলি, শুনিলি, জানিলি,
বুজিলি
আৰু নতুনৰ সৃষ্টি কৰিলি যি ?
বিজ্ঞানৰ তই ফুল পাতেৰে
সজালি ফুলৰ
দানি
নৱজীৱনৰ এই প্ৰকাশক
আপুনি লৈছোঁ মানি
বৈজ্ঞানিকৰ গৱেষণাৰ মন্দিৰলে যাম
অনুবীক্ষণৰ থাপনাতেই
সুন্দৰকেই বহি থকা পাম
বৈজ্ঞানিকৰ গৱেষণাৰ মন্দিৰলৈ যাম ৷৷
(জ্যোতিপ্ৰসাদ আগৰৱালাদেৱে ৰচা গীত; তামোলবাৰী,
২৭/০৯/১৯৪৮)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment