মোৰ
গানলে’ বসন্ত
আহে
পৃথিৱীৰ যত নুফুলা ফুলে
মিচিক মিচিক হাঁহে
মোৰ গানলৈ বসন্ত আহে ৷
মোৰ
গানত জাগে
গন্ধ বনৰ অন্ধ নিজৰা
মোৰ
গানতে সুমন্দ্ৰিত
নতুন দিনৰ বজ্ৰবতৰা
মোৰ
গানতে আন্দোলিছে
সাত সাগৰৰ তেৰ নদীৰ ঢৌ
লিখা
নিলিখা কোটি কবিতাৰ
অমিয়-মাধুৰী মৌ
মোৰ
গানত বয়, মন্দ-মৃদু মলয় সমীৰণ
মোৰ ছন্দত জাগে, চাকনৈয়াৰ ঘূৰ্ণী
ভয়ঙ্কৰ
মোৰ ভাবত জাগে বা মৰলী উন্মাদ
ক্ষয়ঙ্কৰ
মোৰ
গানত জ্বলে চক্ৰ সুদৰ্শন
দুষ্কৃতি নাশি, কৰি যাবলৈ ধুনীয়া
পৃথিৱীখন ৷৷
(জ্যোতিপ্ৰসাদ আগৰৱালাদেৱে ৰচা গীত; তামোলবাৰী,
২৮/০৮/১৯৪৯)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment