অনুসন্ধান আকাংক্ষাত

Sunday, July 29, 2012

মোৰ শততম গানে



মোৰ শততম গানে

          এই অগ্নিযুগৰ বহ্নিমানে

জ্বলাই পোৰাই

ঢৌৱাই উটাই

          অন্ধ যুগৰ

          বন্ধ কাৰা

          নমাই নতুন আলোকধাৰা

                   প্ৰাণে প্ৰাণে

মোৰ শততম গানে ৷


মোৰ শততম গানে

          জানে

          জানে

                   মনৰ কথা

                   প্ৰাণৰ ব্যথা

                             নবীন শতাব্দীৰ

                                      যি আনে

                   মহাবিপ্লৱৰ বানে বানে ৷


জনজীৱনৰ নৱ বাস্তৱ সপোন আৱৰণে

                             যিটি জাগিব

                   প্ৰচণ্ড বিস্ফোৰণে

          ৰূপ লব বুলি কালিৰ

                                      বাস্তৱত

                   কৈ যায়

                   এই শিল্পী কবিৰ কাণে কাণে ৷


মোৰ শততম গানে

          সেই কথাটি জানে

                             জানে ৷৷

(জ্যোতিপ্ৰসাদ আগৰৱালাদেৱে ৰচা গীত)
(ইউনিকড ৰূপান্তৰ:  দিগন্ত শইকীয়া)

No comments: