হেৰ সপোনৰ ফুলনিৰ মৌ পিয়া
তই
বিলাসৰ কোঠালিত
ফটিকা পিলি
কবিতা লিখিলি তই
কবিতা
লিখিলি
মোৰ কপালত তই বোকাৰ ইন্দ্ৰধনু
জানো
দেখিলি ?
মোৰ কবিতাৰ শত পদুমে
পোহৰত পাহি মেলে
বোকাৰ চুমাত জীৱন পাই
পুৱা ৰ’দালিৰে
খেলে
ধূলি বালিৰে
বোকাৰ অৰ্ঘ্য লৈ
তাতে হাজাৰ যুগৰ
ব্যথা বেদনাৰ
চকুৰ পানীও
থৈ
কোনে কৰিছ পূজা
সুন্দৰৰ......
সিহে বুজিবি,
মোল মোৰ যত
বোকাৰ পদুমৰ ৷৷
(জ্যোতিপ্ৰসাদ আগৰৱালাদেৱে ৰচা গীত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment