পোহৰ দেশৰ পখিলাৰ জাকে
মোৰ
ফুলনিত নাচে
নোহোৱা নোপজা ফুলাম পাখিৰে
নকৈ
চানেকি বাছে
ন পখিলাৰ লাহী ভৰতেই
সৰিছে
পুৰণি পাহি
নতুন কলিৰ বুকু শিয়ঁৰিছে
মুখত
মিচিকি হাঁহি ৷
ৰৈ ৰৈ উৰিবি, পোহৰৰ পখিলা
ৰৈ
ৰৈ উৰিবি তই
চিৰসুন্দৰৰ নতুন লিখাৰ
পাখিত
অঁকাবঁকা
আখৰ
দেখিছোঁ মই
ৰৈ ৰৈ উৰিবি, পোহৰৰ পখিলা,
ৰৈ
ৰৈ উৰিবি তই ৷৷
(জ্যোতিপ্ৰসাদ আগৰৱালাদেৱে ৰচা গীত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment