নতুন দিনলে’ যাত্ৰা কৰিলি

নতুন দিনলে’ যাত্ৰা কৰিলি             

            ‌            কোনে কোনে

                        কোনে কোনে ?

            ভাগ্য পঢ়িলি মনে মনে

                        মনে মনে ৷

সেইটি বাটত

            দুখৰ জ্বলে জ্বলন্ত এঙাৰ

            মৃত্যুয়ে তাত বাটে বাটে ধৰিছে হেঙাৰ

                        মৃত্যু বিজয়ী ন জোৱানৰ

                                    যাত্ৰা ৰুধিবি কোনে ?          

                                    যাত্ৰা ৰুধিবি কোনে ?

            সমদলৰ সংঘাত লাগি

                        পৰ্ব্বত খহি যাব             

            জীৱনৰ তেজ জ্বলি উঠা দেখি

                        মৃত্যুও কোঁচ খাব

            সিহঁত যাব, সিহঁত যাব, বিস্ফোৰি বিদাৰি

                                    যাব... মহালোকৰ পিনে

            মৃত্যুবিজয়ী ন জোৱানৰ যাত্ৰা ৰুধিবি কোনে ?

(জ্যোতিপ্ৰসাদ আগৰৱালাদেৱে ৰচা গীত)

(ইউনিক’ড ৰূপান্তৰ:  দিগন্ত শইকীয়া)