মা, মোৰ
হ’লে আৰু
পঢ়িবলে’ মনকৈ যোৱা নাই
কিয় জানিছ মা ?
তই যে কৱ, দুষ্ট ল’ৰা
নামাতিবি, বুলি
সেই কাৰণে মা ৷
মোৰ কিতাপৰ ক টো হ’ল
বৰ দুষ্ট পাই
তাক মাতিলেই শুৰ ডালেৰে
দিয়ে কুৰকুৰাই
ঞটো ইমান অঘাইটং
তাৰ ফালে চাবকে নোৱাৰি পাই
সেইডালে শিয়াঁৰি শিয়াঁৰি জোকায় ৷
বুইছ মা,
ক-ফলাখন
দুষ্ট ল’ৰাৰে ভৰা
মা, সিহঁতক কোবাই কোবাই
খেদি দে ঘৰৰ পৰা ৷৷
(জ্যোতিপ্ৰসাদ আগৰৱালাদেৱে ৰচা গীত)
(ইউনিক’ড ৰূপান্তৰ:
দিগন্ত শইকীয়া)
No comments:
Post a Comment