অনুসন্ধান আকাংক্ষাত

Thursday, July 12, 2012

বগা ডাৱৰৰে নাও


বগা ডাৱৰৰে নাও 

তাতে উঠি মই জোনবাইৰ

          সোণদেশলৈ যাওঁ ৷


জোনবাই দেশতে

          বগা হৰিণায়ে

                   ৰঙাকৈ দুবৰি খায়

জিলমিল চৰায়ে

          তুলসী বনতে

                   শুঁইত্‌কৈ সুহুৰিয়ায়

জহৰে জোনাকত

          আইতাই কোৱা মোক

                   সাধুবোৰ জোনাবাইত থাকে

আইতাই মনতে

          তুতিকৈ মাতিলে

                   মোক নিচুকাবলৈ আহে ৷


বগা ডাৱৰৰে নাও

                   জোনবাইৰ দেশলৈ যাওঁ

          পোহৰী লুইতৰ

                   ৰূপৰ বালিচৰাত

                             নাও বান্ধি ভাতে খাওঁ ৷৷



(জ্যোতিপ্ৰসাদ আগৰৱালাদেৱে ৰচা গীত)
(ইউনিকড ৰূপান্তৰ:  দিগন্ত শইকীয়া)

No comments: