অনুসন্ধান আকাংক্ষাত

Saturday, June 30, 2012

দেউতা তই কি লিখিছ গান


দেউতা, তই

কি লিখিছ গান

মোলৈ এটা লিকিবি দেই

          কুৰ অকণমান

          এটা কুৰ পোৱালি গান ৷


দেউতা,

          মোৰ গানত, লিকিবি এটা

                  সৰু ৰঙা চৰাই

          সোণৰ ৰূপৰ পাখি লগাই

                  দিবি উৰাই উৰাই

          আৰু লিকিবি পকিলা এটা

                  ফুৰ্‌-ফুৰ্‌ কৈ উৰা

          আৰু এটা ডাঙৰ লাটুম

                  ঘুৰ্‌ ঘুৰ্‌ কৈ ঘূৰা ৷          


           আৰু লিকিবি কমলা টেঙা

                  আৰু পকা আম

                  মই আবেলি খাম ৷৷


  মনমাৰ গান 
(জ্যোতিপ্ৰসাদ আগৰৱালাদেৱে ৰচা গীত; ১৩/০৯/১৯৪৯)
(ইউনিকড ৰূপান্তৰ:  দিগন্ত শইকীয়া)

No comments: