কোনে দুখীয়াৰ ভাতমুঠি কাঢ়ি
সোণৰ কাঁহীত খাৱ
কোনে দুখিতৰ চকু-টোপালেৰে
মুকুতাৰ মালা শিয় ?
ৰূপৰ বানবাটিটোত
কোনে তেজ ভৰালি
নিশকতীয়াৰ বুকু ফালি
মানুহৰ তেজেৰে ফটিকা খালি তই
আপুনি বলিয়া হলি ৷
তোৰ বলিয়া মনেৰে
তয়ে কেতিয়াবা
নিজকে কৰিবি লয়
আপুনিয়ে শেষ কৰিবি নিজেই
বলিয়াৰ অভিনয় ৷৷
(জ্যোতিপ্ৰসাদ আগৰৱালাদেৱে ৰচা গীত; ২৪/০৯/১৯৪৯)
(ইউনিক’ড ৰূপান্তৰ: দিগন্ত
শইকীয়া)
No comments:
Post a Comment