গাঁওখনি মোৰ ধুনীয়া
গাঁওখনি মোৰ গুণীয়া
মৰমতে মৰোঁ
সেউজী আঁচল ধৰো ৷
গাঁওখনিকেই ভাবি ভাবি
কত সপোন ৰচোঁ... দুখ বেজাৰত
গাঁওখনিৰেই
মু’খনি চাই
চকুৰ পানী মচোঁ ৷
মোৰ গাঁওখনি অ’, মোৰ মাওজনী অ’
তৰাতকৈও
জোনতকৈও
আকাশী চৰগতকৈও ভাল
ৰাতিপুৱাই বকুল সৰে, কপৌটিয়ে
নাচোন ধৰে ৷
দুৱৰিত শেৱালি পৰে
আমোল মোলাই
সোণসন্ধিয়া গধূলি গোপাল ৷৷
(জ্যোতিপ্ৰসাদ আগৰৱালাদেৱে ৰচা গীত)
(ইউনিক’ড ৰূপান্তৰ: দিগন্ত
শইকীয়া)
No comments:
Post a Comment