অনুসন্ধান আকাংক্ষাত

Tuesday, June 19, 2012

আজি জাগা মোৰ মাতৃ


আজি জাগা মোৰ মাতৃ  
 
জাগা আজি জোনাকী বাটৰ যত

          শকতিৰূপিনী অভিযাত্ৰী ৷


আন্ধাৰৰ সতে শেষ সংগ্ৰামৰ বাবে

          জাগা জননী জাতি...

                   প্ৰালয়িকী ছন্দে...


অভিনৱ জীৱনৰ

          সুৰ লয় তালে মানে

          আলোকময়ী গানে গন্ধে ৷


    জাগা নৱ ভাৰতৰ

    জাগা নৱ অসমৰ

          উদ্ধোধিতা জন মাতৃ,

সংস্কৃতি সৱিতাৰে

          পোহৰাই নৱীন ধৰিত্ৰী ৷


বাট দেখুৱাই বলা

          নিখিল পৃথিৱীকে

পুণ্যভূমি ভাৰতৰ

জ্ঞানাৰুণ জ্যতিস্নাতা

          জোনাকী বাটৰ অভিযাত্ৰী....

          জাগা নৱ জীৱনৰ

                   অভিনৱ মাতৃ ৷৷



(জ্যোতিপ্ৰসাদ আগৰৱালাদেৱে ৰচা গীত)
(ইউনিকড ৰূপান্তৰ:  দিগন্ত শইকীয়া)

No comments: