দেউতা মই আজি সপোনত

দেউতা মই আজি সপোনত

            দেখিলোঁ এটা গান

            তুমি যে লিখা সৰু গান

                        তাতোকে’ অকণমান ৷

মোৰ দৰেই তাৰো গাতো

            কাপোৰ কানি নাই

            চোলা পিন্ধিলে সিও হেনো বৰ বেয়া পায় ৷

তুমি যে দিছা মাজ কোঠালিত তানপুৰাটো থৈ

                        তাৰ তলতে

            জুনুকা পিন্ধি নাচি আছিল

                        ঠুমুক্‌ ঠুমুক্‌ কৈ ৷

মোক দেখি সি খং কৰি গৈ

                        হামণিটোত সোমাল

            নিগনি খোচাদি খুচি আছিলোঁ,           

                        তেওঁ গানটো নোলাল ৷৷

(জ্যোতিপ্ৰসাদ আগৰৱালাদেৱে ৰচা গীত)

(ইউনিক’ড ৰূপান্তৰ:  দিগন্ত শইকীয়া)