অনুসন্ধান আকাংক্ষাত

Monday, June 25, 2012

চিৰসুন্দৰক দেখিছিলোঁ


চিৰসুন্দৰক দেখিছিলোঁ

            এদিন সপোন-পুৱা

মহাজ্ঞানৰ মুকুট পিন্ধি

            পোহৰেদি যোৱা ৷


মৌ মুগ্ধ মুকুতাৰে মোৰ

            যাচি দিলোঁ সুদা কৰি

            শত জীৱনৰ

                        সকলো ভালপোৱা ৷

                        দেখিছিলোঁ পোহৰেদি যৌৱা ৷


মাথো হাঁহিলে এবাৰ মোৰ ফালে চাই

                        বিশ্ববিজয়ী হাঁহি

            সেই, হাঁহিৰ অৰ্থ

                        বুজো বুজো কৰি

                                    বজাওঁ জীৱন বাঁহী ৷৷



(জ্যোতিপ্ৰসাদ আগৰৱালাদেৱে ৰচা গীত)
(ইউনিকড ৰূপান্তৰ:  দিগন্ত শইকীয়া)

No comments: